Glöv mi, dat gift nix Düwelaktigeres as en Kind ut sien gewohnten Platz to nomen wo sien Frünn sit un sien Naawers un ok sien Schol. Un denn möt dat Kind in een ganz annere Gegend un dormit ok in een ganz annere School gahn.
So woar dat mit mi. Mien Öllern, de möt ut us Hus uttrecken un in een Gegen gahn - so wiet vun allt wat ick kenn un ok leev.
Ick woar bet nun in een School blots för Deerns weest. De Jungs, jo, de woarn nebenan in een annern Hus un wi glövt dat woar ok gau so. Nix kannst mit den moken, de woarn all mall in de Birne. Obers wi, de Deerns, vi kunnt so fin miteinander snacken und lachen und ne Menge dum Tüg maken.

Inn School woarn wi ganz susen. Us Frollein Martensen segg, dat mot „gesittet und mit Anstand" togaan. Un so weer dat ok. Wi möt no de Pause us opstellen achter us Sitze un wenn't ton End kom möt wie een un een us Frollein Martensen „Auf Wiedersehen" seggen un er de Hann schöddeln un een „Knicks" moken. Un denn dörw wi inn Nomittag gaan. In de Frihiet so to seggen.
Nog in de Ferien güng mien Moder mit mi in de nee School un meld mi dor an. Dat woar een neege School, modern ock lich un ock reen. Un denn woar dor keen Gestank vunn Desinfektion un Bohnermilch. In düsse Ferien woar dat gräsig. All mien Frünn woarn verswunnen un ick möt mi alleen begnögen in een fremde Umgebung. Doar dach ick bi mi, wenn't blots die Schooltied wedder anfang do. Denn woart so wiet. De erste Tach. Mien Moder kom nech mit, det heff ick nech wullt. Mönsch, ick woar all 11 Joahr! Un denn mit Moder! Nee! As ick de Stiegen no boben güng, woar do mit een Moal ne ganz gräsige Musik. Dat woar Elvis mit sien Jailhouserock. Jo, ick kannte dat Leed n beeten, obers in die ole School woar düsse Musik blots wat för kriminelle. Frollein Martensen kunn Klavier speelen. Ganz zarte Lieder, hett se seggt. För Kinnerohren mokt, hett se seggt. Un nu süng Elvis. Un lud. Dat kom ut den Klassentimmer wo ick nu rin schall. Un det kom noch schlimmer. As ick dörch de Döör luscher, se ick, dat de all Rock'n'roll danzen. Quer dörch den Saal. As een Dossen Höhners de se nech mehr all har. Die Tische - so för veer Kinners - woarn an de Siet rückt, dor hett se mehr Platz in de Klasse. Un dor danzt blots nech  nur Deerns, nee, ok de  Bengels woarn dorbi. De danzten as dull. Mit de Deerns. Ick güng een poar Schritte in de Klasse. Een, villicht twe, luscherten, wat ick woll dor will, obers keen een snack mit mi. De danzt all wieder und jümmers doller geiht dat rund. As Elvis fertig sungen har, kom nee annere Platte. De Plattenspeeler steiht ob den Lehrer-Tisch. Een Lehrer kunn ick nich sehn. Ick dacht ick beleew n  Alpdröm. Mien Feut woarn meest festwussen un ick kunn mi nech mehr bewegen. Mien Hart bullerte as doll. De Tied woar lang obers denn kreeg ick een lütten Schlag op de Schulder. „Na, büst du uss niege? Denn sett di man dor achtern hin." Dat woar Herr Papenberg. de Lehrer. Utseihn deit he as wenn he sülben inne School goahn müsst. So jung. Ick möt mi to twee Deerns un een Jung setten. Dat giv dor Vierer-Tische un de woarn all wedder in Reih upstellt, as Magie güng dat. So fix. Herr Papenberg segg to sien Deers un Jungs, dat se nett mit mi weest schall för dat ick doch fremd bün. Ick heff keen Sprok mehr, dacht ick. Un Herr Papenberg lot mi to Freden. Dat güng so een achter den annern Dach. To Hus verkloar ick miene Öllern, dat ick mien Schooltied nu absluten will. „De danzt dor Rock'n'roll" segg ick empört. Obers de woarn goar nich op mien Siet. Un so wat nenn sik Öllern! As dat so wör, kunn ick mit miene 11 Joahr noch nech Slut moken. Un so güng ick denn wedder to School. Med de Tied gewöhn ick mi an manches. Un een Dach gev ick ock ne Antwort up een Frog vunn Herrn Papenberg. „Oh, se hett er Sprok wedder funnen", segg en Bengel un seih mi inne Ogen. Dor flögen denn Schmetterlinge in mien Buk, woarför weet ick domals nech. In de näste Pause kom een lütt Papeer in mien Hand dor steiht „an oder ab von Uwe" schrewen. Ick weet nech, wat dat betüden schall ober de annern Deers segg mi dat gau. Jau, Uwe is een netten Jung. Ton Wiehnachtsfest heff ick med em in de Aula Rock'n'roll danzt.